اسعار الانترنت الجديدة لشركة WE 2019
شركة We اللي هي المصرية للإتصالات اللي هي TE Data سابقاً نزلت باقات إنترنت جديدة وهما 3 باقات:
الباقة الأولى اسمها سوبر ودي هتديك سرعة توصل لـ 30 ميجا بت في الثانية على حسب خطك يستحمل قد أيه هيوصلك وفيها 3 سعات تحميل
السعة الأولى 140 جيجا بايت بسعر 120 جنيه قبل ضريبة الـ 14% ولما هتضيف الضريبة هيبقى السعر 137 جنيه
السعة التانية 250 جيجا بايت بسعر 210 جنيه قبل ضريبة الـ 14% ولما هتضيف الضريبة هيبقى السعر 240 جنيه
السعة التالتة 600 جيجا بايت بسعر 500 جنيه قبل ضريبة الـ 14% ولما هتضيف الضريبة هيبقى السعر 570 جنيه .
شروحات سابقة : تعرف على عدة طرق لاستخدام الراوتر القديم الخاص بك , معرفة الاجهزة المتصلة على شبكة الواى فاى على الراوتر لديك , عمل ضبط مصنع لراوتر tedata كامل بالخطوات
الباقة التانية اسمها ميجا ودي هتديك سرعة توصل لحد 70 ميجا بت في الثانية على حسب خطك برضه هيستحمل يوصل لكام وفيها سعة تحميل واحدة بس وهي 250 جيجا بايت بسعر 310 جنيه قبل الضريبة وبعد ما تضيف الضريبة السعر هيبقى 354 جنيه
الباقة التالتة اسمها الترا ودي هتديك سرعة توصل لحد 100 ميجا بت في الثانية وبرضه على حسب خطك هيستحمل قد أيه هيوصلك ودي فيها سعتين تحميل
الأولى 250 جيجا بايت بسعر 410 جنيه قبل الضريبة ولما تضيف الضريبة 468 جنيه
والتانية 600 جيجا بايت بسعر 700 جنيه قبل الضريبة ولما تضيف الضريبة 798 جنيه
مع الباقات دي لما بتخلص سعة التحميل الرئيسية سرعتك هتنزل لـ 256 كيلو بت مش 1 ميجا بت زي الباقات الحالية (ما فرقتش كتير الحقيقة لأن الأتنين غير قابلين للإستخدام وهتتشل مع الأتنين) وتقدر طبعاً تشتري سعة تحميل إضافية واللي هما:
20 جيجا بايت بـ 30 جنيه قبل الضريبة وبعد الضريبة 34.5 جنيه
50 جيجا بايت بـ 60 جنيه قبل الضريبة وبعد الضريبة 68.5 جنيه
100 جيجا بايت بـ 100 جنيه قبل الضريبة وبعد الضريبة 114 جنيه
الأسعار اللي قبل الضريبة هي اللي هتلاقيها على موقع We وده أنتا مش بتدفعه أنتا بتدفع السعر بعد إضافة ضريبة الـ 14% وده السعر اللي أحنا كاتبينه بجانب السعر اللي We كاتباه على موقعها
مقالات ذات صلة
